हेल्थ टिभी अनलाइन \काठमाडौं : अहिले देशभर १८ हजार सक्रिय कोरोना संक्रमित रहेका छन्।

स्वास्थ्य तथा जनसंख्या मन्त्रालयका अनुसार शुक्रबारसम्म देशभर १८ हजार ११५ जना सक्रिय संक्रमित आइसोलेसनमा रहेका छन्। उनीहरुमध्ये १६ हजार ८८१ जना होम आइसोलेसनमा र १२ सय ३४ जना संस्थागत आइसोलेसनमा रहेका छन्। सक्रिय संक्रमितमध्ये ३५४ जना आइसीयूमा र ११६ जना भेन्टिलेटरमा उपचाररत रहेको मन्त्रालयले जनाएको छ ।

पछिल्लो समय कोरोना संक्रमण दर कम हुँदै गएपछि सक्रिय कोरोना संक्रमितको संख्या पनि कम हुँदै गएको छ ।

नेपालमा हालसम्म ८ लाख ८७ हजार ६८० जनामा कोरोना संक्रमण पुष्टि भएको छ भने ७ लाख ६६ हजार ६९६ जना निको भएका छन्। नेपालमा कोरोना संक्रमणबाट निको हुने दर ९६ दशमलब ३ प्रतिशत रहेको छ । हालसम्म ११ हजार १४८ जना कोरोना संक्रमितको मृत्यु भएको मन्त्रालयको तथ्यांकमा उल्लेख छ ।