१४ अशोज २०७८ , बिहिबार

२४ घण्टामा थपिए १०७८ नयाँ संक्रमित, १२ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा देशभर १ हजार ७८ जना कोरोनाका नयाँ संक्रमित थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा ११ हजार ७६५ जनाको नमुना परीक्षण गर्दा १ हजार ७८ जनामा कोरोना पुष्टि भएको हो । यसैगरी आज १२ जना कोरोना संक्रमितको मृत्यु भएको छ । योसँगै देशभर कोरोना संक्रमणबाट ज्यान गुमाउनेको संख्या ११ हजार १३५ पुगेको छ । उता यहीवीच ९११ जना कोरोना संक्रमित निको भएर डिस्चार्ज भएका छन्।

अहिले देशभर सक्रिय कोरोना संक्रमितको संख्या १८ हजार १६८ रहेको छ । यीमध्ये ३५३ जना संक्रमित आइसीयूमा र ११७ जना भेन्टिलेटरमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।