हेल्थ टिभी अनलाइन \काठमाडौं : कुकुर वा जंगली जनावरले टोकेमा रेविज रोग सर्न सक्छ । यस्ता जनावरले टोकेमा तुरुन्तै नजिकैको स्वास्थ्य संस्थामा थई स्वास्थ्यकर्मीको सल्लाह बमोजिम रेविज विरुद्धको खोप लगाउनु पर्छ ।

रेविज रोगको उपचार नभए पनि समयमै खोप लगाए सजिलै बच्न सकिन्छ । घरमा पालिएका कुकुर तथा बिरालोलाई पशु स्वास्थ्यकर्मीको सल्लाह बमोजिम नियमित रुपमा रेविज विरुद्धको खोप लगाइदिऔं । सडकमा छाडिएका कुकुरलाई पालिका, समाज वा व्यक्तिगत पहलमै भए पनि रेविज विरुद्धको खोप लगाइदिऔं । प्राणघातक रेविजको रोगबाट आफू पनि बचौं र अरुलाई पनि बचाऔं । रेविज विरुद्धको खोप नेपाल सरकारको प्राथमिक स्वास्थ्य केन्द्रसम्मका स्वास्थ्य संस्थाहरुमा नि शुल्क उपलब्ध गराइएको छ ।

कुकुरले टोकेमा के गर्ने ?

-कुकुरले टोक्ने बित्तिकै टोकेको ठाउँमा १५ मिनेटसम्म साबुन पानीले धुने
-कुकुरले टोकेपछि नजिकैको स्वास्थ्य संस्थामा गएर स्वास्थ्यकर्मीसँग सल्लाह गरी रेविज विरुद्धको खोप लगाउने
-आफना घरमा पालेका जनावरलाई अनिवार्य रुपमा रेविज विरुद्धको खोप लगाउने

कुकुरले टोक्दा आफनै घरको हो वा छिमेकीकै हो केही हुँदैन भनेर लापरवाही गर्ने गर्नु हुँदैन । यो प्राणघातक रोग भए पनि समयमै खोप लगाएमा यसबाट बच्न सकिन्छ । रेविज विरुद्धको खोप सरकारी स्वास्थ्य संस्थाहरुमा नि: शुल्क पाइन्छ ।