११ अशोज २०७८ , सोमवार

काठमाडौंमा आजदेखि एष्ट्राजेनेका खोपको पहिलो मात्रा दिइँदै

हेल्थ टिभी अनलाइन \काठमाडौं : काठमाडौंमा आजदेखि कोरोना विरुद्धको एष्ट्राजेनेका खोपको पहिलो मात्रा दिन लागिएको छ ।

काठमाडौं महानगरपालिकाले एक सूचना जारी गर्दै ३२ वटै वडाका खोप केन्द्रमा गएर एष्ट्राजेनेका खोपको पहिलो मात्रा लगाउन सकिने जनाएको छ । सो सूचना अनुसार १८ वर्ष माथिका जसले खोप लगाउन छुटाएका छन् उनीहरु सबैलाई खोप दिइनेछ ।

खोपका लागि ३२ वटै वडा कार्यालय तथा ७ वटा अस्पताल तोकिएको छ । नेपाल प्रहरी अस्पताल, शसस्त्र प्रहरी अस्पताल, वीर अस्पताल, त्रिवि शिक्षण अस्पताल, निजामती कर्मचारी अस्पताल, परोपकार प्रसुती अस्पताल र विरेन्द्र सैनिक अस्पताललाई खोप केन्द्र तोकिएको छ । यी केन्द्रमा आफनो परिचय र जन्म मिति खुल्ने कार्ड लिएर बिहान १० देखि ४ बजेसम्म गएर खोप लगाउन सकिने महानगरले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।