११ अशोज २०७८ , सोमवार

असुरक्षित गर्भपतनका कारण मृत्यु भएका महिलाको सम्झनामा दीप प्रज्वलन

हेल्थ टिभी अनलाइन \काठमाडौं : असुरक्षित रुपमा गर्भपतन गराउँदा ज्यान गुमाउन पुगेका महिला तथा किशोरीहरुको सम्झनामा दीप प्रज्वलन गरिएको छ ।

स्वास्थ्य सेवा विभाग अन्तर्गतको परिवार कल्याण महाशाखाले आइतबार सातौं सुरक्षित गर्भपतन सेवा दिवसको दिन दीप प्रज्वलन गर्दै असुरक्षित गर्भपतनका कारण मृत्युवरण गरेकाहरुलाई सम्झना गरेको हो । टेकुस्थित स्वास्थ्य सेवा विभागको प्रांगणमा दीप प्रज्वलन गरिएको थियो । परिवार कल्याण महाशाखाले आइतबार दिवस परेको भए पनि साताव्यापी कार्यक्रम गर्ने जनाएको छ ।

हरेक वर्ष असोज १० गते राष्ट्रिय सुरक्षित गर्भपतन सेवा दिवस मनाउने गरिन्छ । गर्भपतनले कानूनी मान्यता पाएको भए पनि नेपालमा अझै पनि ५८ प्रतिशत महिलाले असुरक्षित रुपमा गर्भपतन गर्ने गरेको तथ्य रहेको छ । जसले गर्दा उनीहरु मृत्युको शिकार बन्न पुग्छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।