हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले स्वास्थ्य सेवाको बाह्रौं तहमा बढुवा गर्नका लागि १५ दिने सूचना जारी गरेको छ।

मन्त्रालयले आज सार्वजनिक सूचना जारी गर्दै असार मसान्तसम्म न्यूनतम ५ वर्ष सेवा अवधी पूरा गरेका ११ औँ तहका अधिकृत कर्मचारीले बढुवासम्बन्धी विवरण मन्त्रालयमा १५ दिनभित्र दर्ता गराउन आग्रह गरेको छ ।

मन्त्रालयले जारी गरेको सूचनामा भनिएको छ, ‘बढुवा समितिको यही असोज ८ गतेको निर्णय अनुसार नेपाल स्वास्थ्य सेवाको अधिकृत बाह्रौं तहको रिक्त पद (तीन) मा नेपाल स्वास्थय सेवा ऐन २०५३ को दफा २५ (२) बमोजिम कार्य सम्पादन क्षमताको आधारमा बढुवा गर्नुपर्ने भएकोले २०७८ असार मसान्तसम्म न्युनतम ५ वर्ष सेवा अवधी पूरा भएका एघारौँ तहका कर्मचारीले स्वास्थ्य तथा जनसंख्या मन्त्रालयको वेभसाइटमा रहेको बढुवासम्बन्धी व्यक्तिगत विवरण फारम डाउनलोड गरी उक्त विवरण सम्बन्धित निकायबाट प्रमाणित गराई सूचना प्रकाशन भएको १५ दिनभित्र मन्त्रालयको प्रशासन शाखामा दर्ता गराउन आग्रह गरिन्छ ।’