६ अशोज २०७८ , बुधबार

थप १४७८ जनामा कोरोना संक्रमण, १६३० जना निको भए

हेल्थ टिभी अनलाइन\ काठमाडौं : देशभर पछिल्लो २४ घण्टामा १४ सय ७८ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा कृष्ण पौडेलका अनुसार गत २४ घण्टामा १३ हजार ९३० जनाको नमुना परीक्षण गरेकोमा १४ सय ७८ जनामा कोरोना पुष्टि भएको हो । यसैगरी २४ घण्टामा १६ सय ३० जना संक्रमित निको भएका छन्।

उता यहीवीच आज ६ जना कोरोना संक्रमितको मृत्यु भएको प्रवक्ता डा पौडेलले बताए । आज मृत्यु भएकासँगै देशभर कोरोना संक्रमणबाट मृत्यु हुनेको संख्या ११ हजार ५९ पुगेको छ ।

अहिले देशभर सक्रिय संक्रमित २१ हजार १३९ रहेका छन्। यीमध्ये १९ हजार ८०५ जना होम आइसोलेसनमा छन् भने ११९ जना भेन्टिलेटरमा उपचाररत रहेका छन्। २४३ जना भने अहिले पनि क्वारेन्टाइनमा रहेको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।