६ अशोज २०७८ , बुधबार

भारतले अक्टोबर महिनाबाट कोभिड विरुद्धको खोपको निर्यात सुरु गर्ने

हेल्थ टिभी अनलाइन : भारतले अक्टोबर महिनाबाट कोरोना विरुद्धको खोप निर्यात गर्ने जनाएको छ । भारतले अक्टोबरमा स्वदेशी खपतका लागि ३० करोड मात्राभन्दा बढी खोप उत्पादन गर्ने अनुमान गरिएको छ ।

भारतले अक्टोबर महिनाबाट कोभिड विरुद्धका खोप अन्य देशमा निर्यात गर्न फेरि सुरु गर्ने त्यहाँका स्वास्थ्यमन्त्रीले बताएका छन्।

देशभित्रै कोरोना भाइरसको महामारी व्यापक फैलिएपछि भारतले गत अप्रिल महिनामा खोप निर्यात रोकेको थियो। जसका कारण नेपालले खरिद गरेको १० लाख डोज समेत आएको थिएन ।

विश्वकै सबभन्दा ठूलो खोप निर्मातामध्ये पर्ने भारतले कोभिड खोप निकासीमा रोक लगाएपछि विश्वभरि नै खासगरि विकासोन्मुख देशहरूलाई असर परेको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।