५ अशोज २०७८ , मङ्लबार

घट्दै सक्रिय कोरोना संक्रमित : २४ घण्टामा १३३० जनामा संक्रमण

हेल्थ टिभी अनलाइन \काठमाडौं : पछिल्लो २४ घण्टामा थप १३ सय ३० जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयको तथ्यांक अनुसार गत २४ घण्टामा १३ हजार ६२२ जनाको नमुना परीक्षण गर्दा १३ सय ३० जनामा कोरोना पुष्टि भएको हो । यहीवीच १८ सय ३० जना भने निको भएका छन्।

उता पछिल्लो २४ घण्टामा ५ जना कोरोना संक्रमितको मृत्यु भएको मन्त्रालयले जनाएको छ । योसँगै कोरोना संक्रमणबाट मृत्यु हुनेको संख्या ११ हजार ५३ पुगेको छ । हाल देशभर सक्रिय कोरोना संक्रमितको संख्या घटेर २१ हजार ५२४ मा झरेको छ । अहिले ३३५ जना कोरोना संक्रमितको आइसीयूमा र १०७ जनाको भेन्टिलेटरमा उपचार भइरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।