३ अशोज २०७८ , आइतवार

२४ घण्टामा ७३४ संक्रमित थपिए, १४१३ जना संक्रमणमुक्त

हेल्थ टिभी अनलाइन\ काठमाडौं : देशभर पछिल्लो २४ घण्टामा ७३४ जना नयाँ संक्रमति थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा १० हजार १३ जनाको नमुना परीक्षण गरेकोमा ७ सय ३४ जनामा कोरोना पुष्टि भएको हो । यसैगरी गत २४ घण्टामा १२ जना कोरोना संक्रमितको मृत्यु भएको छ । योसँगै देशभर कोरोना संक्रमण भएर ज्यान गुमाउनेको संख्या ११ हजार ४० पुगेको छ ।

उता यहीवीच नयाँ संक्रमित भन्दा दोब्बर १४ सय १३ जना संक्रमित संक्रमणमुक्त भएर डिस्चार्ज भएका छन्।

हाल २४ हजार ३१३ जना सक्रिय संक्रमित रहेका छन्। यीमध्ये ३९० जनाको आइसीयूमा र ११७ जनाको भेन्टिलेटरमा उपचार भइरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।