हेल्थ टिभी अनलाइन \काठमाडौं : पछिल्लो समय कोरोना संक्रमण दर कम हुँदै गएको भए पनि काठमाडौं उपत्यका लगायतका ११ जिल्लामा भने अझै पनि ५ सय बढी सक्रिय संक्रमित रहेका छन्।

काठमाडौं, भक्तपुर, ललितपुर, मकवानपुर, काभ्रेपलाञ्चोक, मोरङ, सुनसरी, झापा, कास्की, रुपन्देही र सुर्खेतमा ५ सय बढी सक्रिय कोरोना संक्रमित रहेको स्वास्थ्य तथा जनसंख्या मन्त्रालयले जनाएको छ । यसैगरी २ सय बढी सक्रिय संक्रमित रहेका जिल्लाहरु २० वटा रहेका छन्। बाँके, बर्दिया, कैलाली, दाङ, पाल्पा, गुल्मी, नुवाकोट ,सिन्धुपाल्चोक,सिन्धुली लगायतका २० जिल्लामा २ सय संक्रमित आइसोलेसनमा रहेका छन्।

हाल देशभर २५ हजार ८२ जना सक्रिय संक्रमित रहेको मन्त्रलयले जनाएको छ । यीमध्ये २३ हजार ६३६ जना होम आइसोलेसनमा र १ हजार ४४ट जना संस्थागत आइसोलेसनमा उपचाररत छन्। उता २४६ जना भने क्वारेन्टाइनमा रहेका छन्।