हेल्थ टिभी अनलाइन \काठमाडौं : नेपाल स्वास्थ्य अनुसन्धान परिषदका कार्यकारी प्रमुख डा प्रदिप ज्ञवालीलाई विपद न्यूनीकरण अवार्डबाट सम्मान गरिएको छ । शिक्षा विज्ञान तथा प्रविधि मन्त्रालयले राष्ट्रिय विज्ञान दिवसको अवसरमा आयोजित एक कार्यक्रममा डा ज्ञवालीलाई सो अवार्डबाट सम्मान गरेको हो ।

विपद जोखिम न्यूनीकरणमा अनुसन्धानको क्षेत्रबाट अतुलनीय योगदान पुराएको भन्दै डा ज्ञवालीलाई सो अवार्ड दिइएको हो । पुरस्कारको राशी २५ हजार र प्रमाणपत्र रहेको छ । उता दिवसको अवसरमा गरिएको कार्यक्रममा विभिन्न ६ विधामा पुरस्कार तथा अवार्ड दिइएको छ ।

विज्ञान पत्रकारिता अवार्ड मणि दाहाललाई दिइएको छ । यसैगरी एरोनोटिकल इन्जिनियरिङ अवार्डबाट दीपक प्रसाद बास्तोला, उदियमान प्रविधि अवार्डबाट डा आभाष मास्के, अन्तरिक्ष प्रविधि अवार्डबाट उदयराज खनाल, जैविक प्रविधि अवार्डबाट प्राडा प्रकाश घिमिरे पुरस्कृत भएका छन् ।

नेपालमा प्रत्येक वर्ष असोज १ मा विज्ञान दिवस मनाउने गरिएको छ । आज विभिन्न कार्यक्रम गरी यो दिवस मनाइँदैछ ।