३१ भदौ २०७८ , बिहिबार

कोरोना पुष्टि हुनेमा २१ देखि ३० वर्षका बढी

हेल्थ टिभी अनलाइन \काठमाडौं : पछिल्लो २४ घण्टामा कोरोना संक्रमण पुष्टि हुनेमा २१ देखि ३० वर्ष उमेर समूहका सबैभन्दा बढी रहेका छन्। स्वास्थ्य तथा जनसंख्या मन्त्रालयको तथ्यांक अनुसार गत २४ घण्टामा १७ सय ६० जनामा कोरोना संक्रमण पुष्टि भएकोमा सबैभन्दा धेरै ३३५ जना २१ देखि ३० वर्ष उमेर समूहका रहेका छन्।

त्यसपछि दोस्रो नम्बरमा ३१ देखि ४० वर्षका ३ सय जना रहेका छन्। उता ४१ देखि ५० वर्षमा २१७ जनामा कोरोना प्ुष्टि भएको छ । यसैगरी ५१ देखि ६० उमेर समूहका १६७ र ६१ देखि ७० वर्षमा ९२ जनामा कोरोना संक्रमण देखिएको मन्त्रालयले जनाएको छ । ७१ देखि ८० सम्ममा ५७ जना र ८० देखि माथिका उमेर समूहका २९ जनामा कोरोना पुष्टि भएको छ ।

बच्चाहरुको हकमा जन्मेदेखि १० वर्ष सम्मका ३३ र ११ देखि २० का १ सय जनामा कोरोना देखिएको मन्त्रालयको तथ्यांकमा उललेख छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।