२९ भदौ २०७८ , मङ्लबार

स्वास्थ्यमा फेरी जिम्मेवारी हेरफेर, सूचना केन्द्रमा शर्मा र ट्रमा सेन्टरमा जोशी

हेल्थ टिभी अनलाइन \काठमाडौं : स्वास्थ्यमा फेरी एकपटक जिम्मेवारी हेरफेर गरिएको छ ।

स्वास्थ्य तथा जनसंख्या राज्यमन्त्री उमेश श्रेष्ठले आज राज्यमन्त्री स्तरीय निर्णय गर्दै राष्ट्रिय ट्रमा सेन्टरको निमित्त निर्देशकमा डा प्रमोद जोशी र स्वास्थ्य शिक्षा, सूचना तथा सञ्चार केन्द्रमा सुनिल शर्मालाई नियुक्त गरेका हुन्। यसैगरी सूचनाकी हालकी निर्देशक डा राधिका थपलियालाई स्वास्थ्य सेवा विभागमा सरुवा गरिएको छ ।

हरेक पटक स्वास्थ्यमन्त्री फेरिंदा स्वास्थ्यका विशेष गरी हाकिमहरु फेर्ने परिपाटी नै बनिसकेको छ । स्वास्थ्यमन्त्री श्रेष्ठले आफू आए लगत्तै स्वास्थ्य सेवा विभागका महानिर्देशक र कोभिड यूनिफाइड अस्पतालका हाकिमको जिम्मेवारी हेरफेर गरेका थिए भने स्वास्थ्यमा महत्वपूर्ण मानिने परिवार कल्याण महाशाखामा पनि जिम्मेवारी हेरफेर गरिसकिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।