हेल्थ टिभी अनलाइन \काठमाडौं : देशभर ४५६ जना कोरोना संक्रमित आइसीयूमा र १२२ जना भेन्टिलेटरमा उपचाररत रहेका छन्। स्वास्थ्य तथा जनसंख्या मन्त्रालयको शनिबारको तथ्यांक अनुसार गत २४ घण्टामा ९ हजार ८४० जनाको नमुना परीक्षण गर्दा ९९४ जनामा कोरोना पुष्टि भएको छ भने हाल ४५६ जना सिकिस्त संक्रमितको आइसीयूमा र १२२ जनाको भेन्टिलेटरमा उपचार भइरहेको छ ।

सबैभन्दा धेरै बाग्मती प्रदेशमा २४३ जना आइसीयूमा र ८७ जना भेन्टिलेटरमा उपचाररत छन्। यसैगरी प्रदेश १ मा ८० जना र १६ जना आइसीयूमा र भेन्टिलेटरमा रहेका छन्। उता प्रदेश २ मा भने आइसीयूमा २ जना छन् भने भेन्टिलेटरमा रहने संख्या शुल्य रहेको छ ।

उता गण्डकी प्रदेशमा ८४ जना संक्रमित आयसीयूमा र ४ जना भेन्टिलेटरमा रहेका छन्। लुम्बिनी प्रदेशमा ३५ जना ११ जना आइसीयू र भेन्टिलेटरमा उपचाररत रहेको मन्त्रालयले जनाएको छ ।

उता कर्णाली प्रदेशमा ४ जना मात्र आइसीयूमा छन्। भेन्टिलेटरमा कोही पनि छैनन्। सुदूरपश्चिममा ८ जना आइसीयूमा र ४ जना भेन्टिलेटरमा रहेको मन्त्रालयले जनाएको छ ।