हेल्थ टिभी अनलाइन \काठमाडौं : निपाह भाइरस पशुबाट मानिसमा सर्ने एक गम्भीर प्रकृतिको रोग लाग्ने भाइरसको संक्रमण हो । यस भाइरस प्राकृतिक रुपमा ‘फ्रुट ब्याट’ भन्ने प्रजातिको चमेरोमा पाइन्छ ।

निपाह भाइरस कसरी सर्छ ?
निपाह भाइरस जनावरबाट जनावर, जनावरबाट मानिस र मानिसबाट मानिसमा सर्छ । संक्रमित चमेरोबाट सुँगुर, गाई गोरु जस्ता जनावर हुँदै मानिसमा संक्रमित पशुको संसर्गमा आएमा यो रोग सर्छ । यसैगरी चमेरोले जुठो हालेको फलफूल प्रयोग गरेमा, संक्रमित व्यक्तिको रगत दिशा पिसाबसँग प्रत्यक्ष सम्पर्कमा आएमा पनि यो भाइरस सजिलै सर्ने गर्छ ।

निपाह भाइरसका लक्षणहरु: 
ज्वरो आउने
टाउको दुख्ने
रिंगटा लाग्ने
मांसपेशी दुख्ने
वाकवाकी लाग्ने
श्वासप्रश्वासमा समस्या हुने
टन्सिलाइटिस

निपाह भाइरसको रोकथाम कसरी गर्ने ? 
फलफूल राम्रोसँग पखालेर मात्रै खाने
तरकारी सकेसम्म पकाएर खाने
गाइवस्तुको गोठ र फार्म सफा राख्ने
मासु काट्दा र पकाउँदा पन्जा र मास्कको प्रयोग गर्ने
सकेसम्म पानी उमालेर खाने
बेलाबेलामा साबुनपानीले हात धुने