हेल्थ टिभी अनलाइन \काठमाडौं : ललितपुरको सानेपास्थित स्टार हस्पिटलले विश्व साइकल यात्री पुस्कर शाहको नेतृत्वको साइकल यात्रीको समूहलाई सहयोग गर्दै यात्राका लागि विशेष विदाई तथा शुभकामना कार्यक्रममको आयोजना गरेको छ ।

‘सम्वन्ध जोडौ, देश घुमौंं’ भन्ने नाराका साथ इलामको श्री अन्तुबाट मुगु जिल्लाको रारा तालसम्म हुुन गईरहेको वृहत साइकल यात्रा कार्यक्रममा सहभागी साइकल यात्रीहरुलाई शुभकामना सहित अस्पतालले विदाई गरेको हो ।

बिहीबार अस्पतालमा आयोजित एक कार्यक्रममा अस्पतालका कार्यकारी अध्यक्ष किशोर कुमार महर्जन र मेडिकल डाइरेक्टर डा.शैल रुपाखेतीले सामुहिक रुपमा खाँदा र नगद सहयोगका साथ यात्रा सफलताको शुभकामना दिदै विदाई गरेका थिए ।

कार्यक्रममा मानव स्वास्थ्यमा साइकिलिङ्ग गर्दाको महत्वकोबारेमा चर्चा गरिएको थियो । साइकल यात्रा २८ दिनको रहने जानकारी दिइएको थियो । स्टार हस्पिटलले यसअघि पनि  खेलकुद गतिविधि तथा सामाजिक कार्यमा संलग्न सरोकारवाला निकायहरुसँग सहकार्य गरी कार्य गर्दै आइरहेको छ ।