२१ भदौ २०७८ , सोमवार

थप १८९७ जनामा कोरोना संक्रमण, २० जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा देशभर १८ सय ९७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १५ हजार ९७९ जनाको नमुना परीक्षण गर्दा १८ सय ९७ जनामा कोरोना संक्रमण देखिएको हो । यसैगरी गत २४ घण्टामा २० जना कोरोना संक्रमितको मृत्यु भएको मन्त्रालयले जनाएको छ । योसँगै देशभर कोरोना संक्रमण भएर ज्यान गुमाउनेको संख्या १० हजार ८५८ पुगेको छ ।

उता यहीवीच १७ सय ४३ जना कोरोना संक्रमित संक्रमणमुक्त भएका छन्। हाल देशभर ३० हजार ९७३ जना सक्रिय संक्रमित रहेका छन् । यीमध्ये २८ हजार ९११ जना होम आइसोलेसनमा र २ हजार ६२ जना संंस्थागत आइसोलेसनमा रहेका छन। अहिले पनि ५१२ जना कोरोना संक्रमित आइसीयूमा र १६३ जना भेन्टिलेटरमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।