१९ भदौ २०७८ , शनिबार

शनिबार १२६८ जनामा कोरोना संक्रमण, २१९५ जना निको भए

हेल्थ टिभी अनलाइन \काठमाडौं : पछिल्लो २४ घण्टामा देशभर जम्मा १२ सय ६८ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज ९ हजार ८७५ जनाको नमुना परीक्षण गर्दा १२ सय ६८ जनामा कोरोना पुष्टि भएको हो । शनिबार नमुना कम परीक्षण भएसँगै नयाँ संक्रमित थपिने पनि कम भएको छ । यसैगरी गत २४ घण्टामा मृत्यु पनि कम देखिएको छ । २४ घण्टामा ९ जना कोरोना संक्रमितको मृत्यु भएको मन्त्रालयले जनाएको छ ।

योसँगै देशभर कोरोना संक्रमण भएर ज्यान गुमाउनेको संख्या १० हजार ८१८ पुगेको छ । उता यहीवीच संक्रमित भन्दा बढी २१ सय ९५ जना निको भएर डिस्चार्ज भएका छन्।

मन्त्रालयका अनुसार हाल देशभर ३१ हजार ८२६ जना सक्रिय संक्रमित रहेका छन्। यीमध्ये ५५४ जना आइसीयूमा र १७२ जना भेन्टिलेटरमा उपचाररत छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।