१४ भदौ २०७८ , सोमवार

थप २२९५ जनामा कोरोना संक्रमण, १६ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा देशभर २२ सय ९५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा १६ हजार २३३ जनाको नमुना परीक्षण गर्दा २२ सय ९५ जनामा कोरोना पुष्टि भएको हो ।

यसैगरी गत २४ घण्टामा १६ जना कोरोना संक्रमतिको मृत्यु भएको छ । योसँगै देशभर कोरोना संक्रमणबाट ज्यान गुमाउनेको संख्या १० हजार ७३० पुगेको छ । यहीवीच १८ सय ८ जना कोरोना संक्रमित डिस्चार्ज भएका छन्।

हाल देशभर ३५ हजार ८७४ जना सक्रिय संक्रमित रहेका छन्। यीमध्ये ३३ हजार ३३३ जना होम आइसोलेसनमा र २५ सय ४१ जना संस्थागत आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।