१४ भदौ २०७८ , सोमवार

स्वास्थ्यका कर्मचारीको जिम्मेवारी हेरफेर, परिवार कल्याण महाशाखामा आए डा विवेकलाल कर्ण

हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयमा फेरि एकपटक कर्मचारीहरुको जिम्मेवारी हेरफेर भएको छ ।

स्वास्थ्य तथा जनसंख्या राज्यमन्त्री उमेश श्रेष्ठले स्वास्थ्यका केही कर्मचारीको जिम्मेवारी हेरफेर गरेका हुन्। यही क्रममा परिवार कल्याण महाशाखाका निर्देशक डा तारानाथ पोखरेलको सरुवा गरी उनको ठाउँमा डा विवेकलाल कर्णलाई ल्याइएको छ । डा पोखरेललाई यसअघि डा कर्ण कार्यरत सार्क क्षयरोग केन्द्रमा पठाइएको छ ।

यसैगरी खोप शाखा प्रमुखमा रहेका डा झलक शर्मा गौतमको पनि सरुवा भएको छ । उनको ठाउँमा सागर दाहाललाई ल्याइएको छ भने दाहाल कार्यरत व्यवस्थापन महाशाखाको पूर्वाधार विकास शाखामा डा गौतमलाई सरुवा गरिएको छ ।

उता भरतपुर अस्पतालको निमित्त निर्देशकमा डा कृष्ण पौडेललाई नियुक्त गरिएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।