११ भदौ २०७८ , शुक्रबार

कोभिड विरुद्धको खोपको क्लिनिकल ट्रायलका लागि अनुमति प्रदान

हेल्थ टिभी अनलाइन \काठमाडौं : सरकारले कोरोना विरुद्धको खोप र हैजा विरुद्धको खोपका लागि क्लिनिकल ट्रायलका लागि अनुमति प्रदान गरेको छ ।

बिहीबार बसेको मन्त्रिपरिषदको बैठकले कोभिड र हैजा विरुद्धको खोपको क्लिनिकल ट्रायलका लागि अनुमति दिने निर्णय गरेको हो।

सरकारका प्रवक्ता एवम् कानुन, न्याय तथा संसदीय मामिला मन्त्री ज्ञानेन्द्र कार्कीले स्वास्थ्य मन्त्रालयको प्रस्ताव अनुसार सार्स कोभ २ खोप र हैजाको खोपको क्लिनिकल ट्रायलको अनुमति दिइएको हो। कोभिड खोप चीनको तीनवटा कम्पनीले उत्पादन गरेका हुन्। यस्तै, हैजाको खोप भने गेट्स फाउन्डेसनको प्रमुख लगानीमा उत्पादन भएको हो।

स्वास्थ्य मन्त्रालयले औषधि व्यवस्था विभाग र नेपाल स्वास्थ्य अनुसन्धान परिषदको सिफारिसका आधारमा क्लिनिकल ट्रायलका लागि मन्त्रिपरिषदमा प्रस्ताव पठाएको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।