१० भदौ २०७८ , बिहिबार

थप २४३३ जनामा कोरोना संक्रमण, २६ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा थप २४ सय ३३ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १४ हजार ३७४ जनाको नमुना परीक्षण गर्दा २४ सय ३३ जनामा कोरोना पुष्टि भएको हो । यसैगरी गत २४ घण्टामा २६ जना संक्रमितको मृत्यु भएको छ । योसँगै कोरोना संक्रमणबाट ज्यान गुमाउनेको संख्या १० हजार ६३८ पुगेको छ । यहीवीच १९ सय २९ जना संक्रमित संक्रमणमुक्त भएका छन्।

हाल देशभर ३८ हजार ३८४ जना सक्रिय संक्रमित रहेका छन्। यीमध्ये ३५ हजार ३५४ जना होम आइसोलेसनमा रहेका छन् भने ३ हजार ३० जना संस्थागत आइसोलेसनमा छन्। उता ६२० सिकिस्त संक्रमितको आइसीयूमा र १६५ जनाको भेन्टिलेटरमा उपचार भइरहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।