१० भदौ २०७८ , बिहिबार

२१ जिल्लामा अझै पनि ५ सय बढी सक्रिय संक्रमित

हेल्थ टिभी अनलाइन \काठमाडौं : देशभर अझै पनि २१ जिल्लामा ५ सय बढी कोरोनाको सक्रिय संक्रमित रहेका छन्। स्वास्थ्य तथा जनसंख्या मन्त्रालयको तथ्यांक अनुसार काठमाडौं, भक्तपुर, ललितपुरसहित २१ जिल्लामा अझै पनि ५ सयभन्दा बढी सक्रिय संक्रमित होम तथा संस्थागत आइसोलेसनमा रहेका छन्।

कोरोनाको जोखिम भएका जिल्लाहरुमा उपत्यकाका तीन जिल्ला, प्रदेश १ को मोरङ, सुनसरी र झापा, बाग्मतीका चितवन, मकवानपुर, काभ्रेपलान्चोक, दोलखा, सिन्धुपाल्चोक, नुवाकोट रहेका छन्। यसैगरी गण्डकीका नवलपरासी पूर्व, कास्की, बाग्लुङ, गोरखा, स्याङ्जा,तनहुँ रहेका छन्। उता कर्णालीमा भने सुर्खेतमा मात्र ५ सय बढी संक्रमित रहेका छन्।

यसैगरी १८ जिल्लामा भने २ सयभन्दा बढी सक्रिय संक्रमित रहेको मन्त्रालयले जनाएको छ । हाल देशभर ३८ हजार २५० जना सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।