७ भदौ २०७८ , सोमवार

जापानबाट आइपुग्यो थप ५ लाख ५९ हजार डोज कोरोना खोप

हेल्थ टिभी अनलाइन \काठमाडौं : आज जापानबाट थप ५ लाख ५९ हजार डोज खोप नेपाल आइपुगेको छ । जापान सरकारले कोभ्याक्स सुविधामार्फत उपलब्ध गराएको एस्ट्राजेनेका खोप नेपाल आइपुगेको हो ।

यसअघि जापानले १६ लाख डोज एस्ट्राजेनेको खोप कोभ्याक्स सुविधा अन्तर्गत उपलब्ध गराउने प्रतिवद्धता गरेको थियो । आज सहित गरी तीन लटमा १६ लाख डोज खोप नै नेपाल आइसकेको स्वास्थ्य तथा जनसंख्या मन्त्रालयलका सह प्रवक्ता डा समिरकुमार अधिकारीले जनाएका छन्। यसभन्दा अघि दुई लटमा खोप आएर पहिलो मात्रा कोभिशिल्ड लगाएका ६५ वर्ष माथिका जेष्ठ नागरिकलाई दिइएको थियो ।

अहिले आएको खोप प्रदेश १ र २ मा कोभिसिल्डको पहिलो मात्रा लगाएका नागरिकलाई दिइने बाल स्वास्थ्य तथा खोप शाखा प्रमुख डा झलक शर्माले जनाएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।