३ भदौ २०७८ , बिहिबार

ग्वान्जाव उन्डफु र बि एस आर बायोटेकद्वारा सरकारलाई २३ लाख बराबरको स्वास्थ्य सामग्री सहयोग

हेल्थ टिभी अनलाइन \काठमाडौं : कोभिड १९ महामारी विरुद्ध लड्नका लागि चीनको ग्वान्जावस्थित ग्वान्जाव उन्डफु बायोटेक कम्पनी र बिएसआर बायोटेक प्रालिको संयुक्त सहयोगमा स्वास्थ्य तथा जनसंख्या मन्त्रालयलाई २३ लाख बराबरको स्वास्थ्य सामग्री हस्तान्तरण गरिएको छ।

स्वास्थ्य तथा जनसंख्या मन्त्रालयमा आयोजित एक कार्यक्रममा बिएसआर बायोटेक प्रालिले मन्त्रालयका प्रमुख विशेषज्ञ डा दिपेन्द्ररमण सिंहलाईउक्त स्वास्थ्य सामग्री हस्तान्तरण गरेको हो।

हस्तान्तरण कार्यक्रममा कम्पनीका तर्फबाट नविन कोइराला, दिपेश भण्डारी, र प्रज्जवल न्यौपानेको उपस्थिती रहेको थियो।

सहयोग गरिएका सामग्रीहरुमा कोरोना परिक्षणमा प्रयोग गरिने ८ हजार ४ सय थान एन्टिजेन टेष्ट किट तथा २ थान फाइन केयर थ्रि प्लस एनालाइजर लगायतका सामग्री रहेको बताइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।