हेल्थ टिभी अनलाइन \काठमाडौं : पछिल्लो २४ घण्टामा ३२ सय ७४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा १७ हजार ६८९ जनाको नमुना परीक्षण गर्दा ३२ सय ७४ जनामा कोरोना संक्रमण पुष्टि भएको हो ।

यसैगरी गत २४ घण्टामा २७ जना कोरोना संक्रमितको मृत्यु भएको छ भने १९ सय २९ जना संक्रमणमुक्त भएका छन्। आज मृत्यु भएकासहित गरी देशभर कोरोना संक्रमणबाट ज्यान गुमाउनेको संख्या १० हजार ३५४ पुगेको छ । मन्त्रालयका अनुसार देशभर सक्रिय संक्रमितको संख्या ३९ हजार ८७१ रहेको छ ।

यीमध्ये ३६ हजार ५७५ जना होम आइसोलेसनमा रहेका छन् भने ३ हजार २९६ जना संस्थागत आइसोलेसनमा रहेका छन्। उता ४१५ जना क्वारेन्टाइनमा रहेका छन्।
मन्त्रालयका अनुसार ७९० जना कोरोना संक्रमितको आइसीयुमा र १९१ जना संक्रमितको भेन्टिलेटरमा उपचार भइरहेको छ ।