हेल्थ टिभी अनलाइन \काठमाडौं : पछिल्लो २४ घण्टामा थप ३४ सय ५१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १५ हजार ६११ जनामा परीक्षण गर्दा ३४ सय ५१ जनामा कोरोना पोजेटिभ देखिएको हो । यसैगरी गत २४ घण्टामा ३५ जना संक्रमितको मृत्यु भएको छ । योसँगै देशभर कोरोना संक्रमण भएर ज्यान गुमाउनेको संख्या १० हजार ३२७ पुगेको छ । उता यहीवीच २४ सय ५८ जना संक्रमित संक्रमणमुक्त भएर डिस्चार्ज भएका छन्।

हाल देशभर ३९ हजार ३७१ जना सक्रिय संक्रमित रहेका छन्। यीमध्ये ३६ हजार ३६ जना होम आइसोलेसनमा रहेका छन् भने ३ हजार ३३५ जना संस्थागत आइसोलेसनमा रहेका छन्। मन्त्रालयका अनुसार हाल ७९५ जनाको आइसीयूमा र १९७ जनाको भेन्टिलेटरमा उपचार भइरहेको छ ।