फेरि उकालो लाग्दै कोरोना संक्रमण : २१ जिल्लामा ५ सय बढी सक्रिय संक्रमित
हेल्थ टिभी अनलाइन\ काठमाडौं : देशभर कोरोनाका सक्रिय संक्रमित बढ्ने क्रम पुन: एकपटक उकालो लागिरहेको छ । आइतबारसम्म देशका २१ जिल्लामा ५ सय बढी सक्रिय संक्रमित रहेका छन्।
ती जिल्लाहरुमा काठमाडौं, भक्तपुर, ललितपुर, चितवन, मकवानपुर, काभ्रेपलान्चोक, दोलखा, सिन्धुपाल्चोक, कास्की गोरखा, बाग्लुङ रहेका छन्। यसैगरी नवलपरासी पूर्व, स्याङ्जा, तनहुँ, दाङ, रुपन्देही, सुर्खेतमा पनि कोरोनाका ५ सय बढी सक्रिय संक्रमित रहेको मन्त्रालयले जनाएको छ । उता १६ जिल्लामा २ बढी सक्रिय संक्रमित रहेका छन्।
एक महिना अघिसम्म केही कम भइसकेको कोरोना संक्रमणदर फेरि एकपटक उकालो लाग्ने क्रम बढेको मन्त्रालयका सह प्रवक्ता डा समिरकुमार अधिकारीले जनाए । नेपालमा औसतमा कोरोना संक्रमणदर १९ दशमलब ५ प्रतिशत रहेको छ भने मृत्युदर १ दशमलब ५ प्रतिशत रहेको छ ।
हाल देशभर ३९ हजार २९८ जना सक्रिय संक्रमित रहेका छन्। यीमध्ये ३५ हजार १८ जना होम आइसोलेसनमा रहेका छन् भने ४ हजार २८० जना संस्थागत आइसोलेसनमा रहेका छन्। यसैगरी ७५८ जना कोरोनाका सिकिस्त संक्रमितको आइसीयूमा र १९३ जनाको भेन्टिलेटरमा उपचार भइरहेको छ ।
हालसम्म नेपालमा १० हजार २९२ जनाको कोरोना संक्रमणबाट ज्यान गएको मन्त्तालयको तथ्यांकमा उल्लेख छ ।
निषेधाज्ञा खुकुलो भएसँगै सर्वसाधारणले जनस्वास्थ्यका मापदण्ड पूर्ण रुपमा पालना नगर्दा संक्रमण बढेको विज्ञहरुले बताउँदै आएका छन्।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा