हेल्थ टिभी अनलाइन\ काठमाडौं : स्वास्थ्य तथा जनसंख्या मन्त्रालयले स्वास्थ्य सेवा विभागको नर्सिङ महाशाखा प्रमुखको जिम्मेवारी प्राध्यापक गोमा निरौलालाई दिएको छ ।

वीर अस्पतालको नर्सिङ प्रमुख रहेकी निरौलालाई आइतबार मन्त्रीस्तरीय निर्णय गर्दै सो जिम्मेवारी दिइएको हो । यसअघिकी महाशाखा निर्देशक रोशनी तुईतुईलाई वीर अस्पताल सरुवा गरिएको छ ।

यसैगरी आइतबार नै कान्ति बाल अस्पतालमा कार्यरत डा बद्री रिजाललाई राष्ट्रिय ट्रमा सेन्टरमा सरुवा गरिएको छ ।