हेल्थ टिभी अनलाइन \काठमाडौं : गण्डकी प्रदेशमा गत २४ घण्टामा १२ जना कोरोना संक्रमतिको मृत्यु भएको छ ।

गण्डकी प्रदेश स्वास्थ्य निर्देशनालयले एक विज्ञप्ति जारी गर्दै गत २४ घण्टामा विभिन्न अस्पतालमा उपचाररत १२ जना कोरोना संक्रमितको मृत्यु भएको जनाएको छ । आज देशभर ३३ जनाको मृत्यु भएकोमा १२ जना गण्डकी प्रदेशका रहेका हुन्। योसँगै गण्डकीमा कोरोना संक्रमण भएर मृत्यु हुनेको संख्या ११ सय १२ पुगेको छ । यसरी मृत्यु हुनेहरुमा ५ जना नवलपरासीका, ४ जना स्याङ्जाका र ३ जना कास्कीका रहेका छन्।

पछिल्लो समय कोरोना संक्रमण र मृत्यु हुनेको संख्या गण्डकी प्रदेशमा बढ्दो क्रममा रहेको छ ।