५ महिनापछि लगाएको कोरोना खोपको दोस्रो मात्राले काम गर्छ त ?
हेल्थ टिभी अनलाइन \काठमाडौं : नेपालमा कोरोना विरुद्धको पहिलो मात्रा कोभिशिल्ड लगाएका ६५ वर्ष माथिका जेष्ठ नागरिकले ५ महिनापछि मात्र दोस्रो मात्रा लगाइरहेका छन्।
शुरुमा ८ हप्तादेखि १२ हप्तासम्म दोस्रो डोज लगाउनपर्ने बताइए पनि सो खोप उपलब्ध हुन नसक्दा ५ महिनापछि मात्र दोस्रो डोज दिइँदैछ । लामो समयको अन्तर भएपछि अहिले धेरैले दोस्रो मात्रा खोपले काम गर्ने की नगर्ने भन्नेमा आशंका गरेका बेला स्वास्थ्य मन्त्रालयले यसले ढिला लगाए पनि काम गर्ने जनाएको छ । मन्त्रालयका अनुसार विभिन्न अध्ययनहरुले पहिलो मात्राले पनि काम गरिरहने र धेरै समयको अन्तरालमा दोस्रो मात्रा लगाउँदा पनि प्रभावकारी हुने देखाएको जनाएको छ ।
यसका साथै अहिले कोभिशिल्डकै प्रकृतिको एस्ट्राजेनेका खोप दोस्रो मात्राको रुपमा दिइरहेकाले ढुक्क भएर खोप लगाउन मन्त्रालयले सबैलाई आग्रह गरेको छ ।
कोभिशिल्ड र एस्ट्राजेनेका खोप एकै प्रकृतिका भएको र नाम मात्रा फरक रहेको भन्दै यसमा कुनै शंका गर्न नपर्ने समेत बताइएको छ ।
कोरोना खोप लगाउन जाँदा भने जनस्वास्थ्यका मापदण्डको पूर्ण पालना गर्न र आफनो पालोमा मात्र खोप लगाइदिन आग्रह गरिएको छ ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा