‘अस्पतालका बेड संक्रमितले भरिन थालिसके, लापरवाही नगरौं’
हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयको तथ्यांक अनुसार बिहिबारसम्म देशभर १० हजार २१२ जनाको मृत्यु भइसकेको छ भने देशभर कुल संक्रमितको संख्या ८ लाख नाघिसकेको छ । यसैगरी सक्रिय संक्रमितको संख्या ३८ हजार नाघेको छ । पहिलो मात्रा खोप लगाउनेको संख्या ४५ लाख बढी पुगेको छ भने २९ लाख बढीले पूर्ण खोप पाएका छन् ।
तर यहीवीच फेरि एकपटक कोरोना संक्रमणको दर बढिरहेको छ र अस्पतालमा संक्रमित भर्ना हुने क्रम पनि बढेको छ । यही विषयमा शुक्रराज ट्रपिकल तथा सरुवा रोग अस्पतालका निर्देशक डा अनुप बास्तोला भन्छन्- यही रफ्तारमा संक्रमित आउने हो भने केही सातामै बेड नपाउने अवस्था आउनेछ । उनका अनुसार गत तीन साता यता क्रमस कोरोना संक्रमण भएर अस्पताल आउनेको संख्या तीब्र रुपमा बढिरहेको छ । अस्पतालमा अहिले नै बेड पाउन मुश्किल हुन थालिसकेको उनको भनाई छ ।
नेपालमा कोरोना संक्रमण बढ्नुमा सर्वसाधारणले लापरवाहीले गरेर होे भन्ने उनको भनाई छ । उनले भने, ‘बाटोमा हेर्नुस् त मास्क लगाएका कति जना देख्नुहुन्छ ? कतिले सही तरिकाले मास्क लगाएका छन् ? अनि हामी सरकारले मात्र गरेन भन्छौं ।’ उनले कोरोना संक्रमण केही कम हुनासाथ सबैले जनस्वास्थ्यको मापदण्ड पालना गर्न छाडेको कारण अहिले फेरि संक्रमण बढेको बताए ।
हामीले किन बिर्सेका छौं कोरोना भाइरस यतै छ हाम्रो सानो गल्तीले पनि यसलाई सक्रिय हुने अवसर मिल्छ भन्ने उनले प्रश्न गरे । टेकु अस्पताल मात्र नभई अन्य अस्पतालमा पनि संक्रमितको संख्या बढेको बताउँछन्। कतिपयले कोरोना विरुद्धको खोप लगाएका छौं भनेर मास्क समेत नलगाई हिंडिरेहका छन् । तर बुझ्नुपर्ने के छ भने दुबै डोज लगाएका व्यक्तिहरु पनि गाह्रो भएर अस्पताल भर्ना भइरहेका छन्। खोपले सम्पूर्ण रुपमा बचाउने हैन् यसले ७० प्रतिशतमा मात्र काम गर्छ भनेर त भनेकै छ नि ! त्यसैले खोप लगाएको छु भनेर ढुक्क हुन सकिने आधार पनि छैन् उनले थपे ।
उनका अनुसार नेपालमा कोरोनाको तेस्रो लहर शुरु भइसकेको छ । यो लहरमा विशेष ध्यान नदिएमा दोस्रो लहरभन्दा बढी क्षति हुनसक्ने उनको भनाई छ । सर्वसाधारण आफै सचेत भएर मास्क अनिवार्य लगाउने, दुई मिटरको भौतिक दूरी कायम गर्ने र हातको सफाई नगरेसम्म यो नियन्त्रणमा आउन सक्दैन्।
कहिलेसम्म सरकारले लकडाउन गरेर घरभित्र कोचेर राख्ने ? आफू पनि त सचेत हुन पर्यो उनले थपे । नेपालीहरुको चाडबाडहरु आइरहेको छ । यो बेला कोरोनाको जोखिम अझ बढी हुन्छ । यो बेला आफू र आफनो परिवारको ख्याल गरौं, भिडभाड गरेर पार्टी नगरौं जमघट त पछि गर्दा पनि हुन्छ । अहिले गरिएको रमाइलोले धेरै जनाको जीवन जोखिममा हुन्छ भन्ने कुराको मात्र हेक्का राखे मात्र पनि धेरै हदसम्म संक्रमण कम हुनसक्छ
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा