हेल्थ टिभी अनलाइन \काठमाडौं : काठमाडौं उपत्यकामा बिहिबारबाट राति ८ बजेपछि सवारीसाधन चलाउन नपाइने भएको छ ।

मंगलबार बसेको उपत्यकाका तीन जिल्लाका प्रमुख जिल्ला अधिकारीहररुको बैठकले उक्त निर्णय गरेको हो । आज बसेको बैठकले कोरोना रोकथाम तथा नियन्त्रणका लागि भन्दै उपत्यकामा निषेधाज्ञा भदौ ८ गतेसम्म थप गर्दै राति ८ बजेपछि सवारीसाधन चलाउन नपाइने निर्णय गरेको हो ।

अत्यावश्यक सेवा अन्तर्गत पर्ने सवारीसाधनलाई भने सञ्चालनमा रोक लगाइने छैन्।

प्रशासनले यसअघि थपेको निषेधाज्ञा भोलि राति सकिंदै थियो । सरकारले गत वैशाख १६ गतेदेखि कोरोना संक्रमणको जोखिम घटाउनका लागि निषेधाज्ञा लगाउँदै आएको छ ।