काठमाडौंमा आज पनि कोभिशिल्ड लगाएकालाई दोस्रो डोज दिइँदै, नजिकको खोप केन्द्रमा गएर लगाउन सकिने
हेल्थ टिभी अनलाइन \काठमाडौं : काठमाडौंमा यसअघि कोरोना विरुद्धको कोभिशल्ड खोप पहिलो मात्रा लगाएका ६५ वर्ष माथिका जेष्ठ नागरिकलाई दोस्रो मात्रा दिइँदैछ ।
सरकारले ५ महिनाअघि कोभिशिल्ड खोप दिएका नागरिकलाई अहिले दोस्रो मात्रा दिन लागेको हो । । हिजोबाट सुरु भएको खोप अभियान काठमाडौंमा आजसम्म जारी रहने काठमाडौं महानगरले जनाएको छ ।
भारतको सिरम इन्स्टिच्युटले बनाएको कोभिशल्ड खोप समयमै नआएपछि झण्डै १३ लाख जेष्ठ नागरिकले पहिलो मात्रा लगाएर दोस्रो मात्रा लगाउन पाएका थिएनन्। भुटान सरकारले झण्डै ३ लाख र जापान सरकारले १६ लाख कोभिशिल्डसँग मिल्ने एस्ट्राजेनेका खोप सहयोग गरेपछि अहिले आएर उनीहरुलाई दोस्रो डोज दिन लागिएको हो ।
अन्य जिल्लाहरुमा पनि यो अभियान सुरु भएको छ । स्थानीय तहले जनसंख्याको आधारमा कति दिन लगाउने भन्ने विषयमा भने आफै निर्णय गर्न सक्नेछन्। यो खोप लगाउन आफूलाई पायक पर्ने जुनसुकै खोप केन्द्रमा जान सकिन्छ । पहिले लगाएकै खोप केन्द्रमा जान पर्दैन् । तर त्यसका लागि पहिले खोप लगाएको कार्ड भने अनिवार्य देखाउनुपर्ने हुन्छ ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा