हेल्थ टिभी अनलाइन\ काठमाडौं :  पछिल्लो २४ घण्टामा देशभर ३६ सय ५१ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसरा देशभर गत २४ घण्टामा १६ हजार ५९४ जनाको नमुना परीक्षण गरिएकोमा ३६ सय ५१ जनामा कोरोना पुष्टि भएको हो । यसैगरी गत २४ घण्टामा २२ जना कोरोना संक्रमितको मृत्यु भएको छ । उता यहीवीच १७ सय ८४ जना संक्रमित निको भएर डिस्चार्ज भएका छन्।

आज मृत्यु भएका संक्रमितसहित गरी देशभर कोरोना संक्रमण भएर ज्यान गुमाउनेको संख्या १० हजार ११५ पुगेको छ ।

हाल देशभर ३६ हजार २८८ सक्रिय संक्रमित रहेको मन्त्रालयले जनाएको छ । यीमध्ये ३२ हजार ९०७ जना होम आइसोलेसनमा छन् भने ३ हजार ३८१ जना मात्र संस्थागत आइसोलेसनमा रहेका छन्। उता आइसीयूमा उपचार गराउने संक्रमितको संख्या ७४१ रहेको छ । यसैगरी १८६ जनाको भेन्टिलेटरमा उपचार भइरहेको मन्त्रालयले जनाएको छ ।