चिउँडाेमा मास्क : मास्क लगाउँदा यस्ता गल्ती नगरौं
हेल्थ टिभी अनलाइन \काठमाडौं : सरकारले शनिबारदेखि देशभर नेपाल मास्क अभियान सञ्चालन गरेको छ । मास्कको अनिवार्य र उचित प्रयोगकाबारेमा जनचेतना जगाउन उक्त सप्ताहव्यापी अभियान चलाइएको हो । यति बेला कोरोना भाइरसको संक्रमणबाट जोगिन मास्क लगाउनु अनिवार्य जस्तै भएको छ । अहिले धेरै जनाले मास्कको प्रयोग त गरेको पाइन्छ तर पनि केही व्यक्तिहरुले भने यसको सही प्रयोग गर्न नजान्दा वा गल्ती गर्दा यो लगाउनु र नलगाउनु उस्तै हुने गरेको छ । अर्थात मास्क लगाए पनि संक्रमणको जोखिम कायमै हुने गरेको छ ।
मास्क लगाउँदा बारम्बार गरिने गल्तीहरु :
गल्ती नं १ – मास्क लगाएपछि बारम्बर हातले छोइरहने – हामी धेरै जनाले मास्क लगाउपछि यता उता चलाउने सार्ने तथा छोइरहने गर्ने गर्छौ । यसो गर्दा झनै हातमा भाइरस भए यो सजिलै प्रवेश गर्न सक्छ । अर्को कुरा हामी अरुले लगाएको मास्क कति राम्रो भन्दै छुन पनि खोज्छौं । यस्तो पनि गर्नु हुँदैन् ।
गल्ती नं २ – कुरा गर्दा मास्क खोल्ने बानी – हामी धेरै जनाले मास्क लगाइरहेका बेला कोही भटिए भने मास्क खोलेर मात्र कुरा गर्न थाल्छौं । यस्तो गर्दा मास्क लगाउनुको कुनै अर्थ नै हुँदैन ।
गल्ती नं ३- मास्कले सास फेर्न गाह्राे भयो भनेर चिउँडोमा राख्नु – मास्क लगाउँदा अप्ठेरो भए पनि यसलाई घरिघरि यताउता लगाउन हुँदैन । यसले जोखिम बढाउँछ ।
गल्ती नं ४ – राम्रो देखिने मास्क हैन गुणस्तरीय मास्कको प्रयोग गरौं । मास्कको प्रयोगले आफूलाई मात्र हैन आफनो वरपरका मानिसलाई पनि कोरोना संक्रमणबाट बच्न मद्दत गर्छ । मास्क लगाउनु र खोल्नुअघि हरेकपटक सेनिटाइजरले हातको सफाई गर्न जरुरी हुन्छ भने सकेसम्म एकपटक लगाएको मास्क डिस्पोजेबल हो भने लगाउन हुँदैन्।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा