हेल्थ टिभी अनलाइन \काठमाडौं :  सरकारले आजदेखि कोरोना विरुद्धको भेरोसेल खोपको पहिलो डोज लगाएर २१ दिन पुगेका व्यक्तिहरुलाई दोस्रो डोज दिने भएको छ ।

काठमडौं स्वास्थ्य कार्यालयका प्रमुख बद्री खड्काका अनुसार काठमाडौंमा सबै वडाका खोप केन्द्रबाट खोप लगाइने भएको छ भने अत्यावश्यक सेवाका कर्मचारीका लागि भने वीर, त्रिवि शिक्षण अस्पताल, सिभिल अस्पताल, प्रसुती गृह,नेपाल मेडिकल कलेज खोप केन्द्र तोकिएको छ ।

धेरै भिडभाड नहोस भनेर यसरी केन्द्रहरु तोकिएको खड्काले जनाएका छन्। असार २९ गतेदेखि सुरु भएको खोप अभियानमा पहिलो डोज लगाएका सबैलाई दोस्रो डोज दिइनेछ ।

यसरी खोप लगाउन आउनेले अनिवार्य रुपमा पहिलो डोज लगाएको खोप कार्ड ल्याउनुपर्नेछ भने अनलाइन फाराम भरेर त्यसको दर्ता नम्बर पनि देखाउनुपर्नेछ ।खोप कार्यक्रम बिहान १० बजेदेखि ५ बजेसम्म चल्नेछ ।