२१ साउन २०७८ , बिहिबार

पछिल्लो २४ घण्टामा ३७ जनाको कोरोनाबाट मृत्यु, ३ हजार ९३८ संक्रमित थपिए

हेल्थ टिभी अनलाइन \काठमाडौं : पछिल्लो २४ घण्टामा देशभर ३७ जना कोरोना संक्रमितको मृत्यु भएको छ । केही दिन यता कोरोनाबाट मृत्यु हुनेको संख्या बढिरहेको छ ।

स्वास्थ्य तथा जनसंख्या मन्त्रालयका अनुसार आज देशभर ३ हजार ९३८ जना नयाँ संक्रमित थपिएका छन्। यसैगरी २ हजार १२ जना भने संक्रमणमुक्त भएर डिस्चार्ज भएका छन्। योसँगै देशमा कोरोना संक्रमणबाट ज्यान गुमाउनेको संख्या ९ हजार ९९४ पुगेको छ । नेपालमा कोरोनाबाट हुने मृत्युदर १ दशमलब ५ प्रतिशत रहेको छ । यसैगरी निको हुने दर ९३ दशमलब ७ प्रतिशत रहेको छ ।

मन्त्रालयका अनुसार हाल देशभर सक्रिय कोरोना संक्रमितको संख्या ३४ हजार ४२२ रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।