१७ साउन २०७८ , आइतवार

खोप लगाएको प्रमाण पत्रका लागि शुल्क नलिन स्वास्थ्य मन्त्रालयको निर्देशन

हेल्थ टिभी अनलाइन \काठमाडौं : सरकारले कोरोना विरुद्धको खोप लगाएको प्रमाणीकरण गर्न शुल्क तिर्न नपर्ने जनाएको छ ।

स्वास्थ्य तथा जनसंख्या मन्त्रालयले आज एक विज्ञप्ति जारी गर्दै कोरोना विरुद्धको खोप लगाएको प्रमाणीकरण निशुल्क रहेको भन्दै कसैबाट पनि शुल्क नलिन अस्पताललाई निर्देशन दिएको हो । अस्पतालले खोप प्रमाणीकरणका लागि शुल्क लिएको भन्ने गुनासो आएपछि मन्त्रालयले यस्तो विज्ञप्ति जारी गरेको हो । वैदेशिक रोजगारी तथा अन्य कामका लागि विदेश जानेका लागि खोप कार्ड अनिवार्य भएपछि सरकारले खोप लगाएको प्रमाणपत्र दिंदै आएको छ ।

खोप लगाएको प्रमाणीकरणका लागि सरकारले टेकुस्थित शुक्रराज ट्रपिकल तथा सरुवा रोग अस्पताल, सशस्त्र प्रहरी अस्पताल, निजामती कर्मचारी अस्पताल र पाटन अस्पताल अस्पताल ताकेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।