नेपाल बर्न सोसाइटीमा नयाँ कार्यसमिति, अध्यक्षमा डा लोहनी र उपाध्यक्षमा डा चौधरी
हेल्थ टिभी अनलाइन \काठमाडौं : शनिबार नेपाल बर्न सोसाईटी (नेपाल अग्नि जलन समाज ) को २३ औँ वार्षिक साधारण सभा सम्पन्न भएको छ । सोसाइटीको आज बसेको सभाबाट नौं सदस्यीय कार्यसमिति समेत चयन भएको छ ।
नयाँ कार्यसमितिमा अध्यक्षमा प्राडा ईश्वर लोहनी, उपाध्यक्षमा प्राडा आरपी चौधरी, सचिवमा डा विजय थापा चयन भएका छन्। यसैगरी सहसचिवमा डा सन्देश प्रकाश मास्के, कोषाध्यक्षमा रमाना राजकर्णिकार र सह कोषाध्यक्षमा डा सन्जीव त्रिपाठी चयन भएका छन् । उता सदस्यहरुमा डा शान्ता सापकोटा, गौरी कार्की र रोशन डंगोल चयन भएका छन्।
नव निर्वाचित उपाध्यक्ष प्राडा आरपी चौधरीले बर्नका बिरामीको उपचारमा सहज होस भन्नका लागि अन्य रोगको अस्पताल जस्तै बर्नका बिरामीका लागि मात्र छुट्टै अस्पताल हुनुपर्ने जनाए । उनले एकिन तथ्यांक नभए पनि नेपालमा वार्षिक ५० हजार भन्दा बढी बर्न अर्थात पोलेका बिरामी उपचारमा आउने भए पनि उनीहरुको लागि छुट्टै अस्पताल नहुँदा समस्या हुने गरेको बताए । यसैगरी डा चौधरीले बर्नबाट हुने क्षति न्यूनीकरणका लागि जनतेचना र उपचारका सेवालाई विस्तार गर्नुपर्ने विषयमा नयाँ कार्यसमितिले काम गर्ने जानकारी दिए ।
नेपाल बर्न सोसाइटी पोलेका बिरामीको उपचार सहज बनाउन तथा यस विषयमा जनचेतनाफैलाउन २६ वर्ष अघि स्थापना भएको नाफारहित संस्था हो । जसले सरकारसँग मिलेर विभिन्न जिल्लामा गएर जनचेतनामूलक कार्यक्रम एवम तालिमहरु गर्दै आएको छ ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा