नेपालमा हालसम्म ९७ लाख ८२ हजार डोज खोप आइसक्यो
हेल्थ टिभी अनलाइन \काठमाडौं : नेपालमा हालसम्म कुल ९७ लाख ८२ हजार ८५० डोज कोरोना विरुद्धको खोप आइसकेको छ । स्वास्थ्य तथा जनसंख्या मन्त्रालयलका प्रवक्ता डा कृष्ण प्रसाद पौडेलका अनुसार विभिन्न देशहरुबाट गरी नेपालमा कुल ९७ लाख ८२ हजार ८५० डोज खोप नेपाल आइपुगेको हो ।
उनका अनुसार शुक्रबार चीनबाट खरिद गरिएको ४० लाखमध्ये अन्तिम खेपको ८ लाख डोज खोप आएसँगै ९७ लाख ८२ हजार ८५० डोज खोप भित्रिएको हो । मन्त्रालयका अनुसार शुरुमा भारत सरकारबाट अनुदानमा १० लाख कोभिशिल्ड खोप प्राप्त भएको हो । यसैगरी भारतबाट नेपाली सेनालाई एक लाख डोज खोप प्राप्त भएको थियो । भारतसँग सरकारले २० लाख डोज खोप खरिद सम्झौता गरेकोमा १० लाख आइपुगेको छ भने १० लाख आउन बाँकी छ ।
कोभ्याक्स सुविधा अन्तर्गत ३ लाख ४८ हजार खोप आएको हो । चीन सरकारले अनुदानमा १८ लाख डोज भेरोसेल खोप दिइसकेको छ । यसैगरी चीनसँग सरकारले खरिद गरेको ४० लाख डोज खोप पनि आइसकेको छ । यसैगरी अमेरिकााट एक डोज मात्र लगाए हुने जोन्सन एण्ड जोन्सन खोप १५ लाख ३४ हजार ८५० डोज आइसकेको छ । यी सबै खोपहरु प्राप्त हुनासाथ नागरिकलाई प्राथमिकताका आधारमा दिनका लागि खोप अभियानहरु सञ्चालन भइरहेका छन्।
नेपालमा हालसम्म ३७ लाख ७९ हजार ९३२ जनाले कोभिड विरुद्धको पहिलो मात्रा लगाएका छन्। यसैगरी १६ लाख २१ हजार ७५४ जनाले कोरोना विरुद्धको दुबै डोज खोप लगाइसकेका छन्।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा