एआइएनद्वारा फ्रन्टलाइनमा खटिने स्वास्थ्य पत्रकारलाई स्वास्थ्य सामग्री प्रदान
हेल्थ टिभी अनलाइन \काठमाडौं : एआइएन (एसोसिएशन अफ इन्टरनेशनल एन्जीओज इन नेपाल) ले कोभिड महामारीमा फ्रन्टलाइनमा खटिएका स्वास्थ्य पत्रकारलाई स्वास्थ्य सामग्री सहयोग गरेको छ ।
शुक्रबार एआइएनका अध्यक्ष डा सुशील कोइरालाले स्वास्थ्य पत्रकारहरुको छाता संगठन स्वास्थ्य पत्रकार मञ्चलाई उक्त स्वास्थ्य सामग्री हस्तान्तरण गरेका हुन्।
स्वास्थ्य सामग्री हस्तान्तरण गर्दै डा कोइरालाले कोभिड महामारीका बेला पनि जोखिम मोलेर रिपार्टिङमा फिल्डमा निस्कनुपर्ने स्वास्थ्य पत्रकारका लागि केही भए पनि सुरक्षित रहन सहयोग पुगोस भने यी स्वास्थ्य सामग्री प्रदान गरिएको जनाए ।
यसरी सहयोग गरिएको स्वास्थ्य सामग्रीमा सर्जिकल मास्क, सेनिटाइजर, फेस सिल्ड, अक्सिमिटर, डिजिटल थर्मेमिटर, साबुन लगायतका सामग्री रहेका छन्। उक्त सामग्री साढे ३ लाख बराबरको भएको डा कोइरालाले बताए ।
पत्रकारका लागि दिइएको स्वास्थ्य सामग्री एआइएनको समन्वयमा आइपास, डामियन फाउन्डेसन, आड्रा नेपाल, वाटर एड, एफएचआई लगायतका ६ वटा संस्थाहरुले उपलब्ध गराएका हुन्।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा