१४ साउन २०७८ , बिहिबार

थप ३३६५ जनामा कोरोना संक्रमण, सक्रिय संक्रमितको संख्या ३० हजार नाघ्यो

हेल्थ टिभी अनलाइन \काठमाडौं : पछिल्लो २४ घण्टामा देशभर ३३ सय ६५ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १४ हजार २४२ जनामा कोरोना परीक्षण गरिएकोमा ३३ सय ६५ जनामा संक्रमण पुष्टि भएको हो ।

योसँगै देशमा सक्रिय कोरोना संक्रमितको संख्या ३० हजार ३९० पुगेको छ । यीमध्ये २७ हजार ३५५ जना संक्रमित होम आइसोलेसनमा रहेका छन् भने ३ हजार ३५ जना संस्थागत आइसोलेसनमा रहेका छन्। उता आइसीयूमा ६३६ जनाको उपचार भइरहेको मन्त्रालयले जनाएको छ । भेन्टिलेटरमा रहनेको संख्या १६० रहेको छ ।

मन्त्रालयका अनुसार गत २४ घण्टामा १६ जना कोरोना संक्रमितको मृत्यु भएको छ । योसहित हालसम्म कोरोनाबाट ज्यान गुमाउनेको संख्या ९ हजार ८०७ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।