हेल्थ टिभी अनलाइन \काठमाडौं : भारतको मुम्बईमा एक डाक्टरमा तेस्रोपटक कोरोना भाइरसको संक्रमण पुष्टि भएको छ ।

मुम्बईको मुलंड क्षेत्रमा बस्ने र सोही ठाउँको स्थानीय अस्पतालमा काम गर्ने डा सृष्टि हलारीले कोरोना विरुद्धको दुबै डोज खोप लिएको भए पनि उनलाई डेढ वर्षमा तेस्रोपटक कोरोना संक्रमण पुष्टि भएको हो । उनलाई यसअघि दोस्रोपटकसम्म संक्रमण भएर आइसोलेसनमा बसेकी थिइन्। यसपटक उनको पूरै परिवारमा कोरोना संक्रमण देखिएको बताइएको छ जबकी उनको परिवारका सबै सदस्यले खोप लगाइसकेका छन्।

विज्ञहरुले एउटै भाइरसका कारण नभई भाइरसले रुप परिवर्तन गरेर संक्रमण गराएको हुनसक्ने बताएका छन्। एउटै भाइरसले बारम्बार संक्रमण गर्न नसक्ने हुँदा कोरोना भाइरसको थप म्युटेसन भएर फरक रुपमा संक्रमण गरेको हुनसक्ने उनीहरुले जनाएका छन्। डा हलारीमा तेस्रोपटक संक्रमण देखिएपछि उनको नमुना लिएर जिन सिक्वेन्सिङ गरिने भएको छ ।

जिन सिक्वेन्सिङको रिपोर्ट आएपछि मात्र कुन भाइरसले संक्रमण गराएकोमा हो भन्ने बारेमा भन्न सकिने बताइएको छ ।

एबीपी न्यूजबाट :