१२ साउन २०७८ , मङ्लबार

दिल्ली पठाइएका सबै नमुनामा डेल्टा भेरियन्ट पुष्टि, तीन नमुनामा थप म्युटेसन

हेल्थ टिभी अनलाइन\ काठमाडौं : नेपालमा कोरोनाको डेल्टा भेरियन्टमा थप म्युटेसन भेटिएको छ । स्वास्थ्य तथा जनसंख्या मन्त्रालयले ४७ वटा नमुना विश्व स्वास्थ्य संगठनको सहयोगमा भारतको दिल्लीमा जिन सिक्वेन्सिङ गर्दा तीन नमुनामा थप म्युटेसन भएको पाइएको जनाएको हो ।

मन्त्रालयले देशका विभिन्न भागबाट विभिन्न उमेर समूहका व्यक्तिबाट नमुना संकलन गरी ४७ वटा नमुनालाई असार ३० गते जिन सिक्वेन्सिङ गर्न भारतको दिल्ली पठाएको थियो ।

ती नमुनाहरुको जिनोमिक पहिचान गर्दा सबै नमुनामा डेल्टा भेरियन्ट देखिएको मन्त्रालयले जनाएको छ । यसैगरी तीनवटा नमुनामा भने थप म्युटेसन भेटिएको छ । जसलाई ‘ए वाइ वान’ नाम दिइएको छ ।

मन्त्रालयले यो भेरियन्ट बढी संक्रामक रहेको र सबै उमेर समूहलाई असर गर्ने भएकाले विशेष सतर्कता अपनाउन सबैलाई आग्रह गरेको छ ।।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।