हेल्थ टिभी अनलाइन \काठमाडौं : शनिबार देशभर ३१ सय १४ कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १४ हजार ९१० जनामा परीक्षण गर्दा ३१ सय १४ जनामा कोरोना संक्रमण पुष्टि भएको हो ।

यसैगरी गत २४ घण्टामा देशभर १६ जना कोरोना संक्रमितको मृत्यु भएको छ । योसँगै हालसम्म कोरोनाबाट ज्यान गुमाउनेको संख्या ९ हजार ६९५ पुगेको छ ।
हाल देशभर २७ हजार ७५७ जना सक्रिय संक्रमित रहेका छन्। यीमध्ये २५ हजार ८६ जना होम आइसोलेसनमा रहेका छन् भने २६ सय ७१ जना संस्थागत आइसोलेसनमा रहेका छन्।

मन्त्रालयका अनुसार शनिबार ६५० जनाको आइसीयूमा र १६५ जना संक्रमितको भेन्टिलेटरमा उपचार भइरहेको छ ।