हेल्थ टिभी अनलाइन\ काठमाडौं : कोरोना विरुद्धको खोप लगाएका सर्वसाधारणको खोप कार्ड प्रमाणीकरण आजबाट काठमाडौं उपत्यकाका चारवटा अस्पतालमा हुने भएको छ।

यसअघि टेकुस्थित शुक्रराज ट्रपिकल तथा सरुवा रोग अस्पतालमा मात्र प्रमाणीकरण हुँदै आएको थियो । त्यहाँ मात्र प्रमाणीकरण हुँदा भिड बढेपछि स्वास्थ्य तथा जनसंख्या मन्त्रालयले प्रमाणीकरण गर्ने अस्पतालको संख्या बढाएको हो ।

मन्त्रालयले शुक्रराज अस्पतालसहित मिनभवनमा रहेको निजामती कर्मचारी अस्पताल, पाटन अस्पताल र बलम्बुमा रहेको सशस्त्र प्रहरी अस्पतालबाट पनि खोप कार्ड प्रमाणीकरण गर्ने निर्णय गरेको छ ।

विदेश जानका लागि कोरोना विरुद्धको खोप लगाएको खोप कार्ड प्रमाणीकरण चाहिने भएपछि विदेश जानेहरु खोप प्रमाणीकरणका लागि अस्पताल धाइरहेका छन् ।