४ साउन २०७८ , सोमवार

जोन्सन एण्ड जोन्सन खोप अनिवार्य गरिएका देशमा जानेलाई सोही खोप दिइने

हेल्थ टिभी अनलाइन\ काठमाडौं : कोरोना विरुद्धको खोप जोन्सन एण्ड जोन्सन नै अनिवार्य गरेका देशहरुमा जाने नेपालीलाई सोही खोप दिइने भएको छ ।

स्वास्थ्य तथा जनसंख्या मन्त्रालयका अनुसार केही देशहरुले खोपको नाम नै तोकेर जोन्सन एण्ड जोन्सन खोप लगाएकालाई मात्र आफ्नो देशमा प्रवेश गर्न दिइने भनेकाले ती देशहरुमा जाने नेपालीलाई जोन्सनकै खोप दिन लागिएको हो ।

यसअघि विदेश जानेलाई भेरोसेल खोप दिने निर्णय गरिएको थियो । आफ्नो भिसा र पासपोर्ट अनिवार्य रुपमा लिएर खोप केन्द्रमा गएर जोन्सनको खोप लगाउन सकिने पनि मन्त्रालयले जनाएको छ ।

केही देशहरुले भेरोसेल खोपलाई मान्यता नदिएका कारण विदेश जानेलाई अमेरिकाले सहयोग स्वरुप दिएको एक डोज लगाए पुग्ने जोन्सनको खोप लगाउन लागिएको हो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।