३ साउन २०७८ , आइतवार

भारतले नेपाललाई दियो १५० बेड आइसीयू

हेल्थ टिभी अनलाइन \काठमाडौं : भारत सरकारले नेपाललाई कोरोना विरुद्ध लड्न सहयाेग हुने भन्दै १५० वटा आइसीयू बेड सहयोग गरेको छ ।

आइतबार स्वास्थ्य तथा जनसंख्या मन्त्रालयमा एक कार्यक्रमवीच नेपालका लागि भारतीय राजदूत विनय मोहन क्वात्राले नेपालका कानून मन्त्री ज्ञानेन्द्र बहादुर कार्कीलाई उक्त आइसीयू बेड हस्तान्तरण गरेका हुन् । मन्त्री कार्कीले कोरोना महामारीमा संक्रमितको उपचारका लागि आवश्यक पर्ने आइसीयू बेड सहयोग गरेको भन्दै भारत सरकारलाई धन्यवाद दिएका थिए ।

उता भारतीय राजदूत क्वात्राले भारत र नेपालबीचको पुरानो मित्रवत सम्न्धब रहेको भन्दै नेपाली जनतालाई कोभिड १९ को संकटबाट जोगाउन भारतले सक्दो सहयोग गर्ने र त्यसकै परिणाम स्वरुप आज आइसीयू बेड सहयोग गरेको जनाएका थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।